ذكري يس عبدالعظيم حية في دواخلنا (1-3)

[عزالدين الشاطرابي]

(الشكر موصول لاسرة صحيفة الوفاق والاستاذ معتصم طة محمد احمد علي نشرة لهذا الموضوع وانعتزر عن الاخطا التي حدثت اثناء التصميم , لكم العتبي حتي ترضو واليكم الموضوع بعد المراجعة والتصحيح)

دنيا غريبة وعجيبة مات يسين عندليبا

7/10/2010م هي زكري البلبل الغريد يسن عبدالعظيم ويا للاسف انها تمر كأي يوم من ايام الاسبوع او ايام السنة , لاتتزكرة قبيلة الطنبور من معجبين وفنانين وشعرا الا عند تمر السيرة علي الالسنة او يردد اغنياتة احد الفنانين ليطرب جمهورة.

ولد يس عبد العظيم فى منطقة العفاض حاضرة البديرية فى شمال السودان.
منذ صغره تميز بالادب ونال احترام جميع اهل المنطقة وعندما بدا الغناء شجعه الكل وتنباوا له بنجاح باهر وقد كان , ترعرع الراحل فى اسرة فنية فجده عبدالله ود الكعيد من اشهر الشعراء فى المنطقة وخاله الفنان حسن جديلة تغنى بالطمبور فى المنطقة فى فترة الستينات
انطلاقتة الفنية كان تبشر بمستقبل واعد وحافل بالابداع والايمان بتوصيل الرسالة السامية ولكن القدركان ينتظرة
ردد الراحل اغنيات لايجود الزمان بمثلها ويكفي فخراً ان كل فناني الطنبور يرددونها حتي الآن وعلي رأسهم القامة صديق احمد الذي تغني بعد من اعمالة وايضاً الفنان عبدالقيوم الشريف و ودالمسيعيد ويعقوب تاج السر ومحمد النصري وميرغني النجار وطارق العوض و وبحر و وداحمد ومعاوية المقل و عادل عثمان الطيب وعبود تبوري وعبدالرحمن عجيب واخية الفنان عثمان عبدالعظيم واخرين
وسر تميز هذا المبدع الراحل حسن اختيارة للكلمات والالحان التي تسلط عليها بعضهم بعد وفاتة ونسبت اليهم بغير حق (ياريت يوم نعاك الناعي برضو نعاهم).
وكما تميز السودان بمعالم جميلة كجبل الرجاف والبركل ومرة وابنعوف ايضاً تعامل الراحل مع اهرام الشعر الشايقي او الشعر السوداني وكان له نصيب الاسد من اجمل كتابات القامة حميد حسن سالم والراحل عبدالله محمد خير واعزب كتابات استاذي ود ابنعوف و درر الشاعر محمد احمد الحبيب وبعض الاعمال الخالدة التي جمعتة بعدد من الشعراء امثال المبارك من الكرو في اغنية جيبو لي خبرو و ياصداح تعال كلمني و احمد محمدالحسن في اغنية هاك حروف من زول بريدك وجاد الله عثمان في اهلي الافاضل ود/ توفيق الطيب في احبك يامقيل روحي بالاضافة الي الاغاني التي صاغ كتابتها بيراعة وازكر منها قمري الفي سمايا والتي ساغ مطلعها احد شعراء العفاض كما تعامل ايضاً مع القامة محمد سعيد دفع الله في عمل جميل جدا جميع بينهم وهو جيتك وقيع يانوري اهـ والشاعر كدكي وشعرا اخرين وضعو بصمتهم علي خارطة اغنية الطنبور , وحتي اختيارة للاغنيات كان يدل علي انة فنان غير عادي فمن منا يصدق ان اغنية نادوس يمكن ان تغني ؟ ربما لم يتوقع هذا الشي حتي شاعرها القامة حميد ولم يكتفي الراحل بل تغني لو رجعت وايديني فاضي وهاشم الحسن العطا وبت العرب النوبية , جميعا اعمال غير متوقع لها ان تغني ولكن بالموهبة التي وهبها الله تعالي لهذا المبدع استطاع ان يجود لحنا ويجيد ترديدها .
تغني راحلنا المقيم للغلابة وكان رائعة ودابنعوف
ياليل الغلابة ضمني وابلعني في جوفك هناك
وضماه ليل الغلابة حتي اصبح يشكوي منه واصبح يردد:
يا ليل دروبك طالو يات في الدروب اختربو
اصلي المقسي وصالو كان في شروق او غربو
او يوم الاقي خيالو بين النجوم اسهربو
تاهت خطاي فوق دربو وخطواتي ماها عديلي
ومن هو المقسي وصالو؟ انه المحبوبة التي دعا لها وقال:
ياخالق لاتفارق من عينا ليها خالق
الجمال كلو ادوهو ياها ومافضل للجايين وراها
بقت فوق الفوق براها شن تسون يابنات شايق
ومن التي اعطاها المولي عذ وجل كل هذا الجمال؟ انها الشافعة التي يعشقها بجنون وغنا لها :
اجرو غناي احكي ليكم اقفو اسمعو ياصحابي
حكاية الشافعة البريدا وريدا شقاي وعزابي
وازداد الشقا والسهر بعد سفرها فأصبح يكتب لها علي الاشجار وفي الانهار وفي كل زرة في ها الكون يكتب ويرسل لها ويقول :
في بلداً بعيدة بعيدة كيف حالك مع الغربة
ويقول : اريت بلداً تحرمك مني لو ما انتي تبقي خراب
ويسكن في خرابا البوم وينصايع عليها غراب
وصاقعة تقع تدها ماتفضل فيها زرة تراب
وتنزلة سختة من عند الله ناسا تصير قرود وكلاب
تمرقي انتي والناس المعاكي قراب
ومادعيت خاتي الا الفراق اسباب
وما اصعب الفراق والوداع للمحبوبة وما اجمل وصف الوداع عندما يقول راحلنا للوداع انا صبري ضاع ويرمي اللوم علي الدنيا التي افرقتهم ويقول
قدر ماتفرح تبكي وحقيقة الدنيا خداعة
تلمك لامن توالف وتفرقك في اي ساعة
تخبي اقدارا في اياما وتلف حولك بي براعة
تزجك في هول عزابا وشقاها البعقب متاعه ودا حالنا وراك يايسن
ولم يكن يتحمل ان يصيبها اي مكروة او مرض واذا مرضت ينادي لها البلياب ويغني
البلياب الصلاح العند الله قراب لي زولة مريضة
يارب العالمين يارب
ويا فراج لكل كرب
قولي سريع مريضك طاب.

تغني الراحل بأغنيات تحكي عن لوعة العشاق ومرارة الفراق وعشانا كم هو ضاق المرة وعشانا هو همل عقابو وعرف الله في عزابا وماخافت الله في شبابو
ردد لها:
جيبو لي خبرو وشوفو لي وين راح وين مكان سفرو
شوفو في اثار الكرو وصورو في ندي البرسيم الفقع زهرو
قلبي ياناس وآآ حرقتو وسهرو الانين غطسن حجرو
وسافر لها مع صابر جرا وجا الي العاصمة وربما لم يحالفة الحظ في العثور عليها وسط ضجيج المدن وزحمتها واصبح يردد لصديقة حسن:
الحالة حالتاً شوم ياحسن
جابتني الخرطوم ياحسن
المعاشرو يخون ياحسن
حتي دا الطنبور ما رطن
ومازال يساهر الليالي وينادي ويقول :
ياريح الصبا وهبي وجيبي لي ردها لو تكوس قربي
بتعزبني شان عرفت ضعيف قلبي ولا من حنانا فيها متخبي
وفي صباح يوم العيد ردد لها :
العيد مبارك والمراد ينتم
عاد نلاقي الجاي فرحانين نفارق الهم
وجاء العام الجديد وهو يحلم بالقاء و ردد كثيراً
العام بدا وارواحنا عاد ما اسعدا
انا وانتي راشين الندي في جلسة العشق النبيل
افراحي بيك متجددة والالفة شوقي يأكدا
انا روحي عندك قيدا ابقالي سيدا وسيدا
ومن سعادتك اسعدا واسقيها ريد سلسبيل
وعندما التقاها ونظر اليها اتاهو الحنين الي البلد ونظر في عينيها وهو مردداً :
تشبهي العيد في بلدنا والمسافرين البجيهو
وظن انا الايام التي كان يبحث عنها هي سنوات من الضياع فقال مردداً
سنين الشقا مني عداً معاك ظلتني الساعة
ليه ماتكب وليه ما اغني صبرت وانتم مرادي
ياندي الازهار صدقيني انا بضمك ويهوك فؤادي
بشتاق ليك وانتي جمبي واهيم بالشوق في بعادي
وردد لها:
ماني غريب عليك يا عاشقك الهيمان
جيتك ومن سجون الريد بدورلي ضمان.

ونلقاكم

[عزالدين الشاطرابي]

زكري يس عبدالعظيم حية في دواخلنا (2-3)


كل هذا الغنا والطرب كان لتلك المحبوبة التي اوصف جمالها عبر اغنية السمحة
شايلة الرقة من بطن الحلاوين
وجهك شايقي في لمحة بطاحين
من حسن الهدندوة في بكانين
طبعك جعلي لونك من بشارين
من اهلي الحمر فيك احلي ساقين
الشعر شكرية حسانية العين
ولكن المحبوبة لم تمنعة من الغناء للوطن والمواطن والحال الحاصل فتغني للعطالة وردد رائعة حميد
لو رجعت وايديني فاضي يابا ماراح تبقي راضي
البلد مابتبقي راضي ونفسي ماراح تبقي راضي
يابا يالكدح المضارع يانغم وتر الطواري
المدن شرقت غنايا وتوكت صوت الغفاري
ادت اولاد الحرام الكرابيج والامارة
وميضنة جامعنا تنقز ماتصل كتف العمارة
وشرح من خلالها حاصل الحاصل وصعوبة الوظيفة والعادات السالبة مثل الواسطات وقال
داير اقولك بي صراحة انا من وصل ماجاتني راحة
جاري فوق الفوق افتش للشغل ماسبتا ساحة
كم برد جا اتغطي بي وكم هجير سواني واحة
كم رياح جفت نواحا وفوقي تب ماجاتني راحة
الي ان يقول:
هني الشغل داير وساطة
ومن وسيط قاموسي خالي
والمكاتب من تشوفني انا ترقفل البابين قبالي

وتغني للوطن و للمناضل هاشم الحسن العطا
يابحر هاشمنا وين
هاشم التسلم خطاهـ
هاشم الحسن العطا
هاشم الحسن عطا
جاي قاصد ياوطن
والجا قاصدك كالزمن
لابهدنو العواصف
ولابصدنو المحن
وتغني لبت العرب النوبية وشرح حجم مأساتها وقال
جواي مأساتك مغروسة
ياطفلة في باكر
مابين نخلة وابنوسة
نبحتلها كل المعمورة
والناس يوم تمرق مدخورة
يانورة نشيلك غنوات
وامال بي باكر مضفورة
وتغني ايضاً برائعة حميد ست البيت وردد :
ست البيت نحن جينا ناساً كراسة راسة والاقلام مسطرينة
جينا نبرد حشاكي ومنو نمرق الغبينة
جية تفرح جناها وانتي جنانا آ حنينة

تواصلت اغنياتة للاطفال والغيم والشتل والكادحين والوطن وقال:
غنيت من المنفي للحلم والاطفال
موالي ماكفي ياغيم ارم موال
ادي الحراز جفة رجعلو طيرا ظال
قلباً بلاك خف مادار بلاك تقال
ياهاجر تسعي بين الوطن والفال
باب الفجر بفتح عند دقة الرجال
فتح اللبق في الصيف شال الشتل تربال
تغني للغبش وقال:
شنو الداخرنو في مترا
بيوتاً جنها المطرة
شديراتاً بقت حطبا
دقيقاً مايفك الريق
تمرتاً ماتفك طلبا
سمكتاً مافي بحرا
وتغني لعمال النظافة ويالها من اغنية صاغ كلماتها القامة حميد تحت عنوان ضلمتنا المضوي والتي خاتني الزاكرة ولا استحضر منها سوي :

الوطن يا اقوي جامع
ماشوية رويحنا سامع
انت كان اذن في مالطا
ياوطن تلقاني ساااامع..

....
كتب عن عدد من المعجبين والمهتمين بمسيرتة الغنائية ونقلا عن منتدي الطنبور والكاتب طة كجوك انقل اليكم مقالة التالي:

تحياتى وتقديري ..
عرفت ياسين وانا في احدى الأوديه التى يقل فيها الإهتمام في الطمبور الا عند شرائح معينه في قريتى وهم يعشقونه حتى النخاع ، .. عرفته عندما ضجت الأصوات في قريتنا (شبعانه) وتناقل الأهالى خبر أن الحاج/ حمري محمد عبد الله هواشي (أطال الله في عمره) قد قرر السفر عبر حماره الى عذاء فنان الطمبور يس عبد العظيم في قريه تسمى العفاض شرق الدبه وإذا قيل لك الدبه في ذلك الوقت كمن قيل لك نملى أو حلفا لبعد المسافه .. عندها هرولنا الى مكان الحدث ووجدنا جمع غفير من الأهالى ووجدنا حماراً مسرج به مخلايه .. ومع هذه الضجه هناك مسجل تخشيبة احمر عليه حله من القماش الكبدي والعبل، يغنى ، وأذكر كان المسجل يردد ( أمان يالعسكر مابتقدر ........... ياعفن الأيدي المأجووورة ) اتذكر هذه الأبيات من حينها ونحن في الثانيه عشر من العمر ، والأهالى يصرون عليه أن يركب العربات فقال: اذا ذهبت بحمارى فسأكون قد أرضيت نفسي وسار ثلاثة أيام بلياليها حتى وصل العذاء .. عندها انا عرفت الأستاذ/ يس عبد العظيم وتحسست أغنياته فوجدتها واقع نعيشه ، وهو يتلمس قلوب العشاق ويكون ملاذهم وتارة الغلابة الكادحين وتاره يلتمس القرى والأطلال وتارة يلتمس الخضرة والجمال ، فاذا التفت الى الوجه الحسن تظن في نفسك انه متخصص في اغنيات الوصف والحوارات الغراميه التى تدور بين العشيقين في ثوب شعري غنائي ، فعشقت التميز وعشقت الكلمات .. رحمت الله عليه ..

الحديث عن الحاضر فينا يس لاينتهي وزكراهو تظل منحوتة بدواخنا الي ماشئت الله والي يوم الفصل والدين وداك اليوم يكون يومنا فيهو ناس يسين
سطرت عدد من الاقلام الشعرية مرثيات وكانت منها مرثية ابونا القامة حميد التي قال فيها:

حُزُنّا عليك بيبقى غضب
غضب مشروع
تدودي حمامة في دبش الغنا الفاسد
مناحاتو
ضَرَاعاتُو التّضاضِي تئن
عشان قلب الحبيبة يَحِنْ
أجل، لا حنّ لا كانت حبيبة آ خوي
ولا لما الحبيب إن كان
مسبّب عبرتو وراجيكا يا خايب الغناوي البيش
تنوح وينوح..
ويسقط حُبْ إذا ما حُولَقْ الرقراق عليهو يموع
ويسقط لحنك الرّاكد ..
كمنجاتك
سلوك طمبورك المرخية
يا مزوِّر جواز العشق يا ذاك المغني الياهو
يا مُنْدَشْ وكِت فتق القوافي الجوع
تسقط غنوتك تسقط..
وأقيف شاهد عليك وعلي
أنا البشّرت لحظة طيش
والبت الأبت ترقص، تعيش واسقط..
أيا هادي المُغني الفنجري المعلوم
نخيب نسقط إذا قصّرنا يا وتر الفقارى وراك
وغيّرنا الغنا المحموم.
غناك الدّغري
يا دغريتك المبثوثة شِقّيشْ ما مشيت باراك
غناك العينو ملياني
وشيهو محل يروح واحد
سمح مشروح
وإنت محل تروح واحد، وِشَيْ مطروح..
سلام في سلام
تمام في تمام..
تمام فلاح.. تمام عامل
تمام إنسان وماك ساهل
متِلْ ما شعاع نزل داخل، بيوت ناساً غبش بالهم،
ملاها ثبات وراح راحل،
جناح الحِن ويوم الليلي بات مجروح
أيا فارساً يا مجهول، وراك كيفِنْ؟
سَمِحْ. كيفن غنيواتنا؟
إذا مرقت براها بلاك، منو اليسرح معاها بلاك..؟
تصل لي مِيسه زي الغيم. تَضُل ما تضِل
واللا براها يتلقاها دابي الجو ..
هجاير الليل ..
طشاشات الصعيد. وسموم تسوي الهوْ..
تجفل غادي.. تجفل جاي..
تقع لا حيلة بين بلدين
بلد جملة غُنا الطمبارة
بلد بي جاي: نشيد ياسين.
نشيدك كالتعب مارد
مهبهب بالغضب واقد
غضب يا وليد، حُزُنّا عليك، تغيب يطلع بدل فاقد..
أيا ولداً حزُنّا عليك يقولّك: عَمِّرْ الطمبور..
وسِنْ سِلْكَاتُو بين نغمين
وجُزْ رقبةْ غناوي الزِّيف ..
ونَشِّن تالا ليل الرِّيف:
ظلاماتو..
عذاب أهلو..
معاناتم محل رحلو..
وأمش ما تقيف .. أمش ما تقيف..
فيا "عفّاضي" ديل فِقَرَاً عمار بيتم خراب بيتنا
فيا طمباري يا ود الدِّويحية الغبش جاهد
أيا ولداً مستّف بي تَرَا العفّاض .. ملفّح بي سماواتو
معمَّر بي غد الأطفال .. مدرَّع بي معاناتو
هيا انسِف قبرك الكاذب
وخُط بالدّم علي الشاهد:
تموت يا هادم الغنوات .. تطق بالهكمة والدّكمة
يبق في محلتك إنسان
يشر ضو الحياة الواعد
نشيد راعد
كما الياسين..

نشيد:
تَفْضَلْ غُنْوَاتَكْ ضُل قيلَةْ
ضد شمس الفجعة القلاية
ترتاح أو تاخد أنفاسه الناس الجاية من الورشة .. التُرَب .. السوق .. الطّاحونة
الجّامع وطرف الانداية..
فزعوك الفُقَرَا أياديهم
تالاها امتديت كارديق.
إنطرحت أصابعيك رابون ..
طالت آهاتك بنبون
يا سَكْرَة وحضْرَة ومُصلاية
من لاقيناك عرفناكْ .. تربال أيامنا وغنّاية
طلّاع النخل الكَدْرُومِي
الضام على قلبو قضيتنا
كالأرض كما الجرح اليومي
ضافرين رامْلِنْبُو هويّتنا
**
مشهد حواري سمج:
- الغنوة دي ظاهرة سياسية، وحا تودي رقبتك في داهية..
ولو مرّت بكرة البرنامج
في ناحية وكلّنا في ناحية..
- طيِّب والتاني؟
- أقول ليك:
أمسك طمبورك ده عليك..
غن في القعدات .. في الرحلات .. في الحفلات المختصرة
غن...
وغنّيت في كل الساحات..
بالنّفَس الحار الإنساني
برّدت حشا أولاد الفقرا ..
رقّصت بناتا السّمحات
أبشِر يا باشِر من تاني ..
عُقُبْ رجَّعتَ الرّايحات
يااا الله عليك يا ياسين .. أقْفُر خُطا غيمتاً ما جات
**
فاض نهر قضيتك فاض فاض
ضد سِكّةْ عرق الإجهاض
مركب شهدانا الجايين .. هدّن بنا قَبَلْ "العَفَّاض"
نلقاك يا قاعد تنوضا .. فوق قيف الغُبُشْ الفيَّاضْ
يا واقف حيلك وتِنْقَضّ .. على آفةْ الزّمن الرَّضْرَاض
ويا إمّا رَتُوتيكْ والعرضة .. وقدّامك عرب العفّاض
الزّحف الصحراوي.. الأرضة ... المرض.. الهدّام العاضّْ
تاريخ الجُزُر المنقرضة ..الفقر الهتك الأعراض
عينيك تطشِّشْ منقبضة .. العالم ينشرَّ بياضْ
تتلفّحُو خالي من الفوضى .. والعسكر وكل الأمراض
زي زيَّكْ زيّك ماب نرضى .. الموت يا عريس العفّاضْ
يا مقدّم باطفال الرّوضة .. شُويِمْ يا عريس العفّاض
يا سِبْحَةْ أُسُرْ الطمبارة
والأيدي الشّهرت جيتارا
للآخر نازفة محاجرنا
بالغضب الدينو دفاترنا
والطبقة وأمي وجيفارا
قُمنَا وشدّينا حناجرنا
ما بينك وبين "فكتور خارا"..

[عزالدين الشاطرابي]

زكري يس عبدالعظيم حية في دواخلنا (3-3)

اما رفيق دربة فقد سطر بمدادة اجمل الكلمات التي يرثي بيها الراحل ومنها المرثية التي تغني بها الفنان معاوية المقل والفنان يعقوب تاج السر والفنان عبدالقيوم الشريف والتي قال فيها:
ان كان مالاجل بدرى اتكتب فى اللوح
اوكان النفوس تتفدى روح بروح
ماكت متياغريد بلابل الدوح
وحى واوحيح قلباً عليك مجروح
؛؛؛؛؛؛؛؛؛؛؛؛
بنتوتالشعر الليلة ليه ساكتات
هيلن ومنحن ونوحن مع النيحات
ابكن وسكلن الجناالمايتولد لمات
فى ليل الغلابة وحمتو والشافعات
يالها سون الحى ووووب عريسكنمات
وماتت طيبت الوجه التملى صبوح
احى واوحيح قلباً عليكمجروح
؛؛؛؛؛؛؛؛؛؛؛؛؛؛
قوللو يالنجم السطع فى سماك
قبت بلا خبر شن شفتا فىدنياك
صغير مابقيت مالو القبير ضماك
لاشفتا الجديد لانحن سيرناك
واسفىالشديد واسفاً عليه صباك
يالقطع قلوباً كانت عزاها غناك
قطع كبد ابوك وامكالرجاك
اخواتك يجرن فى المناحة نباك
واخوانك منو الفيهم عليك مابنوح
واحى واوحيح قلباً عليك مجروح
؛؛؛؛؛؛؛؛؛؛؛؛؛؛؛
ماكت داير اجامل فيك يومالشين
قصدى القاك عريس بين العديل والزين
قصدى تهزو صوتك والجناتراكزين
وقصدى غنى البنات والسيرة ليسين
حفض الفرحه فوق عتب الفريق عارزين
كربة وبكر والعفاض شمال ويمين
راجين يوم جديدك وكلهم دايرين
يردولكجمايلك يالوليد الزين
وياريت كت عشت وكل الامانى تروح
وحى واوحيح قلباتًعليك مجروح
؛؛؛؛؛؛؛؛؛؛؛؛؛؛؛
ليشن يالرميلة شمالنا مايحزن
باينة احزانوفوق نخلو انتنى ودندن
فى النيل والجروف وفى الصوبن وعدن
فى رقصة بنية معالسلك الوقف مارن
فوق قيزان رمالو الهيلن وكبن
حزين اتك وليدو المفى ليه ثمن
ويابخت التراب الضمه كل الفن
وضمه اجمل رسالة شموخ
وحى واوحيح قلباًعليك مجروح
؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يسن جاك غريب اغفرلو يامولاى
غفرانزلت العبد الدوام نساى
سحاب الرحمة فوق قبرو اليكب بكاى
ودخلو منزلت عبداًتقى صلاى
وعوضو فى شبابو الجنة ياعطاى
وزوجو من حسان كان للحسانغناى
وانت الباقى ازل وكل الخليقة تروح
وحى واوحيح قلباً عليكمجروح


ولكن االاجمل عندما سطر استاذنا ود ابنعوف المرثية الثانية والتغني بها الفنان المغداد احمد خالد والفنان عبد الدائم العجمي والتي تقول (واعتزر انني احفظها غير مرتبة الترتيب الصحيح):
دنيا غريبة وعجيبة مات يس عندليبا

تصيبك متي ماتصيبك مابترجي نحيب حبيبك
حين يرجع عنقريبك تغني تحاكي البليبة

ياخلاي شن نسوي اي شمعتاً تضوي
مهما كان نورا قووووي يكون الموت من نصيبا

يامراكب المحس المسافري ورغم الهوا مافي دافري
فجي العرق انتي باصري كلمي ناس الدبيبة

العفاض حالتو مرة يغيب ويدوش مرة مرة
إذا في حالتو استمرا خشيمو اتكمدتلو حيبي

تبيكي امك وآ حفاها جفت ورجفت شفاها
ياخلاي وآآ اساها من هوليك المصيبة

لاتنسي تمنحيلو عرسياً فات بي عديلو
لاشبال ينتكيلو ولا ضاقلو خجل نسيبة

ياصديق في غناكا وفي طنبور ارقي دااااكا
دندن ونقرش براكا فتش نبراتو جيبا

مصايب الدنيا التشيب حليل يس يا الحبيب
كان انسان قلبو طيب ياشمساً طال مغيبة

الباسي الفيها ناسي واوسلي الليك ماها ناسي
رحماك زكراك قاسي مابنقدر يوم نسيبا

يالله ليك تبنا وصحيح ابدد صبرنا
ليك برنفع امرنا روح يس اتنيبا

روضا في روض ازاهر حوليها الندي والجواهر
اكليلا لونو ظاهر وثماراً حلوي ورطيبة


اللهم أبدله داراً خيراً من داره وأهلا خيراً من أهله وادخله الجنة وقِه عذاب القبر وعذاب النار.
اللـهـم عاملة بما أنت أهله ولا تعامله بما هو أهله .
اللـهـم اجزه عن الإحسان إحساناً وعن الإساءة عفواً وغفراناً.
اللـهـم إن كان محسناً فزد من حسناته ، وإن كان مسيئاً فتجاوز عن سيئاته.
اللـهـم ادخله الجنة من غير مناقشة حساب ولا سابقة عذاب .
اللـهـم آنسه في وحدته وفي وحشته وفي غربته.

--------------------------------------------------------------------------------

اللـهـم أنزله منزلاً مباركاً وأنت خير المنزلين.
اللـهـم أنزله منازل الصديقين والشهداء والصالحين وحسن أولئك رفيقا.
اللـهـم اجعل قبره روضة من رياض الجنة ، ولا تجعله حفرة من حفر النار.
اللـهـم افسح له في قبره مد بصره وافرش قبره من فراش الجنة .
اللـهـم قِه عذاب القبر ، وجاف ِالأرض عن جنبيه .
اللـهـم املأ قبره بالرضا والنور والفسحة والسرور.
اللـهـم إنه في ذمتك وحبل جوارك فقه فتنة القبر وعذاب النار ، وأنت أهل الوفاء والحق فاغفر له وارحمه انك أنت الغفور الرحيم.
اللـهـم إنه عبدك وابن عبدك خرج من الدنيا وسعتها وأحبائه إلي ظلمة القبر طالباً لقاءك.
اللـهـم انه كان يشهد أنك لا إله إلا أنت وأن محمداً عبدك ورسولك وأنت أعلم به.
اللهم ثبته عند السؤال.
اللهم إنَّا نتوسل بك وإليك ونقسم بك عليك أن ترحمه ولا تعذبه.
اللـهـم إنه نَزَل بك وأنت خير منزولٍ به وأصبح فقيراً إلي رحمتك وأنت غني عن عذابه.
اللـهـم اّته برحمتك ورضاك وقِه فتنه القبر وعذابه و أّته برحمتك الآمن من عذابك حتى تبعثه إلي جنتك يا أرحم الراحمين.
اللـهـم انقله من مواطن الدود وضيق اللحود إلي جنات الخلود.
اللـهـم احمه تحت الأرض واستره يوم العرض ولا تخزه يوم يبعثون "يوم لا ينفع مال ولا بنون إلا من أتي الله بقلب سليم".
اللـهـم يمن كتابه ويسر حسابه وثقل بالحسنات ميزانه وثبت علي الصراط أقدامه واسكنه في أعلى الجنات بجوار حبيبك ومصطفاك (صلي الله عليه وسلم).
اللـهـم أّمنه من فزع يوم القيامة ومن هول يوم القيامة وأجعل نفسه آمنة مطمئنة ولقنه حجته.
اللـهـم اجعله في بطن القبر مطمئناً وعند قيام الأشهاد آمناً وبجود رضوانك واثقاً وإلي أعلى درجاتك سابقاً.
اللـهـم اجعل عن يمينه نوراً حتى تبعثه آمناًً مطمئناً في نور من نورك.
اللـهـم انظر إليه نظرة رضا فإن من تنظر إليه نظرة رضا لا تعذبه أبداً.
اللـهـم أسكنه فسيح الجنان واغفر له يا رحمن وارحم يا رحيم وتجاوز عما تعلم يا عليم.
اللـهـم اعفو عنه فإنك القائل "ويعفو عن كثير" .
اللـهـم انه جاء ببابك وأناخ بجنابك فَجْد عليه بعفوك وإكرامك وجودك وإحسانك.
اللـهـم إن رحمتك وسعت كل شيء فارحمه رحمة تطمئن بها نفسه وتقر به عينه.
اللـهـم احشره مع المتقين إلي الرحمن وفداً.
اللـهـم احشره مع أصحاب اليمين واجعل تحيته سلام لك من أصحاب اليمين.
اللـهـم بشره بقولك "كلوا واشربوا هنيئاً بما أسلفتم في الأيام الخالية".
اللـهـم اجعله من الذين سعدوا في الجنة خالدين فيها مادامت السموات والأرض.
اللـهـم لا نزكيه عليك ولكنا نحسبه أنه آمن وعمل صالحاً فاجعل له جنتين ذوات أفنان بحق قولك:
"ولمن خاف مقام ربه جنتان"
اللـهـم شفع فيه نبينا ومصطفاك واحشره تحت لوائه واسقه من يده الشريفة شربة هنيئة لا يظمأ بعدها أبداً.
اللـهـم اجعله في جنة الخلد التي وعدت المتقين بها وكانت جزاءً ومصيراُ و لهم فيها ما يشاءون وكان على ربك وعداُ ومسئولاً .
اللـهـم إنه صبر على البلاء فلم يجزع فامنحه درجة الصابرين الذين يوفون أجورهم بغير حساب.
فإنك القائل " إنما يوفى الصابرون أجرهم بغير حساب".
اللـهـم انه كان مصلياً لك ، فثبته علي الصراط يوم تزل الأقدام.
اللـهـم انه كان صائماً لك ، فأدخله الجنة من باب الريان.
اللـهـم إنه كان لكتابك تالياً وسامعاً فاشفع فيه القراّن وارحمه من النيران ، واجعله يا رحمن يرتقي في الجنة إلى آخر آية قرأها أو سمعها وآخر حرف تلاه.
اللـهـم ارزقه بكل حرف في القراّن حلاوةً ، وبكل كلمة كرامةً وبكل آية سعادةً وبكل سورة سلامةً وبكل جْزءٍ جَزاءً.
اللـهـم ارحمه فانه كان مسلماً واغفر له فانه كان مؤمناًً.
وادخله الجنة فانه كان بنبيك مصدقاًً وسامحه فانه كان لكتابك مرتلاً.
اللـهـم اغفر لحيينا وميتنا وشاهدنا وغائبنا وصغيرنا وكبيرنا.
اللـهـم من أحييته منا فأحيه علي الإسلام ومن توفيته منا فتوفه علي الإيمان .
اللـهـم انه عبدك و ابن عبدك و ابن أمتك مات و هو يشهد لك بالوحدانية و لرسولك بالشهادة فأغفر له إنك أنت الغفار.
اللـهـم لا تحرمنا أجره ولا تفتنا بعده و اغفر لنا و له و اجمعنا معه في جنات النعيم يا رب العالمين.

[شرف الدين على باتا]

شكرا ليك كتير استاذ الشاطرابى والمرحوم يس فنان بشهاده حتى الغير شماليين فهو رجل استطاع ان يدخل قلوب الملائيين من ابناء هذا الشعب والغلابه بالزات وانا اول مره اعرف انو دكتور توفيق الطيب واحد من الذين تغى لهم يس
نادوس للشاعر حميد من اغانى المرحوم يس

(تعالي وشي الوطن دركان عساكر آخر الزمن واطاه
تعالي …. وما علي كيفك تعالي .... وريِّحي الواطة)
الحال وراك كيفن تسر
باقيلك إنتي بلاك في زين
ما إتهشَّم إبريق الرضا
خنست نسيمات السمح
والبسمة زي حبة قمح
لفحه وطفر طيراً كتُر
أورث عصافيري الضنا
يبس غناها مع الفجر ؟؟
…. …. ….
عانيت وراكي جنس عنا
بوّغ سهادي كرو النجوم
خطو المواويل إرتعش
حرّس عصاتي بنات نعش
دومست فوق حِجر البتول
هلوست بي صلب المسيح
دروش شردت من الضريح
شويمت بي ظلم الحسين
أومت عليْ كم ميضنة
…. …. ….
وما بين عيونك والوصول
تاهت بي قافلة الحروف
وقَّع طنابير الزمن
إنطربق إيقاع الفصول
حاضت غمامة ورا الجبل
طرحت من النيل الجروف
شهقت شعاب إنساني خوف
منك عليكي .. على أيِّ زول
توَّك نياق شوقو الضنا
سرّح عصا التسيار قَبَل
درب الحياة المرمول فنا
يا وقفة الواقعين هناك
يا وقعة الواقفين هنا
يا وقعة الواقفين هناك
يا وقفة الواقعين هنا
يا وقفة الواقفين هناك
يا وقعة الواقعين هنا
... ...
يا عافة الوطن الجريح
إشمعنى وصلك لا دنى
ولا آفة الزمن المشيح
قدرت رويحتي تيقنا
من جيتك المِن مرقة متين
الدهدهك ..؟
روحتي وين ؟؟
… … …
غربل عليك كل المدائن
الكان زمانك حاله زين
نا شدتها
فتَّش نهارات القرى المتكيَّة
فوق شِعب الصبر
ساندتها …
علَّم بطانه الشيطنة
وغنِّيت معاهن سودنة
يا سودنة
يا سودنة
لملمتهم والدنيا ليل
والقمرة بت فاته القطر
وصَّف لهم حتّة شليل
… … …
ردد حروفن ردتها
وقّف سحابة مع الدغش
شهدتها
وشهدت معايا على العذاب
الهدّا أضلاع الغبش
راعدتها
تكلت خدوده على بكاي
لاقت شجون جاهدتها
كانت مكبرتة بالشباب
كنت التراب
راودتها
فوق ها السراب واعدتها
ولا إنتي جيتي ولا هي
آه ..
روحتو وين ؟؟
… … …
يا زين مرقتي مشيتي وين
كل البنات جو من الملي
حشَّن بكن
شدّن حكن
وأزيارنا والمرحات خلي
يا إنتي يا مرة العدل
ماك في صعيداً تترجي
روحتي وين ..؟
قوليلنا بس يا إنتي
شان نحراك تجي
جية المهيرة وتصهلي
لو فينا أطلعي مننا
أو برّة أدخلي .. أدخلي
… … …
غنيتك البارح براي
إنصلبطوا التانين غناي
والليلي بتواتاك شعر
دونو إنعتاقك أو فناي
هيا يا مغنين الشعر
ضد ها الزمان وطبنجتو
شعر .. الشعر
شعر ..
أيوا ..
يلاّ ..
علينا ..
جاي ..
ونكر المغني كمنجتو
أ .. نكر المغني ..
كمنجتو ؟؟!
... ...
نادوس يا .,..
فجر القصائد يندلق
ما حكَّ جلدك مثل ظفرك
فانطلق ..
إنا شرحنا لك صدرك
أو شرخناه
فانعتق
يا أنت يا كل الذين
لأجل خاطرهم طهوتُ
غداة عقم
زهور كلمي
لتنفتق غضباً يؤرق موقديه
كورته رجماً لكلٍ من :-
تخاذل
أو تنازل
أو تهاون
أو تخاون
أو تعاون ضد فتحك أو أتاني يسترق
… … …
تَربت يداك ..
تربت يداك ..
تبّت يدا كلِ الذين
تغامزوا
وتلامزوا
وتهامزوا
وتقذذوا
فتلذذوا
من فيه جرحك يا وطن ؟
نادوس آه
نادوس يا ..
... ... ...
أصبحنا يا نادوس
وأمسينا بيك يا أم
أمسينا يا نادوس
وأصبحنا بيك يا أم
يا سوسة ضد السوس
قلباً بلاكي يضم
ليل الضياع مهووس
يحلم هواكي يؤم
بعد الحصاد الروس
عالم نداهو يعم
ختيت هواك فانوس
بقّابي شلتو وحم
جيت المدن باخوس
لاقيتو جالب السم
راشح هجير البوس
وكل الوجوه دم دم
… … … …
كل الخلوق دمدم
كوركتَ ..
يا نادوس ..
أم الغبش يا أم
يا نخلِ يا أبنوس
يا سمبا .. يا تمتم
يا البيك غناي محروس
دخري الغلابة هلم
دهمني كم مجروس
عكّمتَ فيي وقم
... ... ...
حمَّرت في السحب المكبرتة
يا دخان ..
يا ريحه ..
يا قوّاده للبحر المخنث
والعساكر والملس
ما تختشي .
بيّوضة يا ماحق الخريف
ما طنبرت عربانه شي
مستني في الزمن النزيف
القال بجي وفات بي وشي
مشت النهارات بالصبر
أبت المغارب تتمشي
رشت المغارب بالصبر
أبت العشيّات تترشي
دقست سواقي المتعبَين
كايساله فيها عقاب عشي .؟؟!
…. …. ….
بيوضة آه ..
أوّاه .. لو الكلمات حصى
قالتلي الله أقرب فرج
أوّاه .. لو الكلمات لهب
نرجم بو وش زمن القسا
قالتلي فِطن الليل وهج
هدّام أمان الناس نسى .
دنقرت للأرض المسربلة بالسراب
فرْنبتَ بي غلبي العوج
فقدت أياديَّ العصا
شدِّيت حزامات الجلَد
هرولت تالا ضرا الوصا ..
كوركتي أرجع يا ولد
صُد ..
صُد ..
صُد ..
أرجع يا ولد
طوريةْ أبوكا تراها دي
عاند كواريكك مشيت
طوريةْ أبويا .. تراها ديك
لفحوها لامن قام يصلِّي
خصاة ضكارات الغمام
مغرب صباح ليلة دخلتو
على البلد.
… … …
حرّق عروق حلفى الكلام
عطشان سقيت عِرْقَ الشديرة
من المطيرة الفيِّ
.. كان ..
حِسْ العساكر .. لا ورا ..
قالتلي أجر ..
أجِرْ ..
أجِر ..
أجِرْ ..؟
قالتلي أجر ..
شدرة غنايا ..
جريك ضرايا
جريك ضرايا
جريك ضرا ..؟!؟
قبل العساكر ، ما تصل ؟
قبل الدرادر ما تبين ؟
وكانوا العوارض في وشيي !؟
… … …
قلت أقول وقع !
قلت أقول وقع ؟
طينة الجداول ، ماها زي طينة جسارتك
يا بلد والكلِّ طين !
يا نبُّوت ..
دقَّة تفوت
ولا حلمِ يموت
… … …
النندق ..
نندق ..
نندق ..
ويفضل باقي لهيب الحق
حق الناس ينتل في الحلق
أو يتعارض شوكة حوت
وسم الغاصب ..
ويجي كابروت ؟
يا طاغوت
اليجي كابروت
يا جبروت
اليجي كابروت
يا كهنوت
اليجي كابروت ؟
يا كابروت ؟؟
كابروت ؟؟
كابروت .؟؟
… … …
كابروت عشم وطن الغلابة
الحال بلاك تبَّ ماب تسر
ما بان صباح ..
أو عسعست قِدّامنا ليلة
تزيدنا ضُر
أوتارنا يا آخر الغنا
حردان عشيَّاته النغم
فرغت مجالسنا البلاك
عنكب على أبوابه السأم
… … …
أصدق ..
كفانا كضب رياح
وهوس رعود
وضحك برق !!!
العشبِ مالي حشا الأراضي
حواهو لمّا الوش حِرق ..
العشب حيْ ..
بس كيف تصب
يملابك المليون عرِق
… … …
كدّبنا في الكرو
في رجاك
ساوين عصا الأشواق مرق
عربان ..
ونوبا ..
نهاتي بيك
والزنج
نتمناك عتِق
ما لسَّه بين الناس فرق ؟!
لسَّع في نخّاسة وفي رق
ورا يا وجع
هيا يا طلق
طلق
طلق
… … …
صُدْ لي ملامحك يا حراز
ريح العوارض غرَّبت
فرتك ضفائرك في الرزاز
جيةْ العصافير قرَّبت
لاقيته في غابة مدين
وصَّت شتيلةً حبحبت
على عش صغارا
الدوب حبت
ما وقَّفه الليل ، لا الهجير
كم جفَّ ريقه ووتبت
لاقت من العنت الكتير
ملت الفيافي أحدٌ
أحدْ
فايدةْ جناحي بلا أطير
الموت ولا العيش النكد
نتف الخلايا ولا الضمير
الموت ولا العيشي النكد
… … …
يا نيل مدد
يا غيث مدد
يا غيث مدد
مدد
مدد
.. … ..
ندِّي دمر ونادوس ونشوقا
خل الناس الصبحت ويوم
من حيّات الخور ملدوغة
خل الصوت الكبتو الجوع
يلقى براحو يضوع ، ويضوع
الصوت العالي يا صوت الناس
التحت الواطي المامسموع
خلّو يهز الدنيا مواكب
منّو يسل خاذوقاً راكب
يا مقطوع في الخلا دون زاد
وال لليلي هناك في بوغا
جاء الحقُّ وزهق الباطل
إنَّ الباطلَ كان زهوقا
… … …
إن طرت يا الزمن الرماد
عرجونة الشهر الندي
ترجع بها أفراح الحصاد
كابروت يهب لي هبَّها
كابروت نبع كل الشهور
كابروت مساره مصبّها
…. …. ….
دخري الغبش كابروت
سيطانو فوق الظلم
مرتق يصد الموت
من تالا غرس الحلم
زغرود يبق من بيت
تحضن صداهو بيوت
تلهج بو جيدن جيت
فارس أجمل البنُّوت
… … …
أختاها يا كل النكد
نادوس محصَّنة بالتراب
وأطفالنا
والحلم
المطر
من كل شر
…. ….
تختاها ما كابروت سمع
بوصل بشارة أجمل خبر
يوصل من التمر العول
من سكّة الجدب الدحابه
المتعَبين
من فجَّة الفجع القلابه
المسغَبين
من جيهة الغبن الصلابه
المتربين
نفس الدروب
الجابه كل خاذوق ركب
فِطن الغلابة الكل مرَّة
ممقلبين
توصل بو ..
ماب يجي من بخور
مابجيبو خور
يجي من مسامات الدغش
جيْة المطور المرسَلين
من بين معاناة الغبش
يمرق كما الفتح المبين
مابجيبو خور
مابجيبو خور
…. …. ….
يا ..
خور عُمَر سيلك
كسَّر ديار أهلي
طفَّرني ريح ليلك
قبّال طيور جهلي
علقت غناي خيلك
وأورثتني الصهلي
وين الغبش ديلك
وصُّوني بالمهلي
قالوا لِي شدْ حيلك
زي قمرة في السهلي
…. …. ….
يا ..
قمرة
يا ..
نادوس أبى
شوفي المشانق
والسجون
شاف المدارس
والفرح
شاف المصانع وإنشرح
مسرح
جنائن
أغاني عز
صفّت عكر نهر العيون
فضحت فحيح
ليل المجون
عافي ومحبَّة في كل زول
إنسان شديد
في وطن جديد
ودروب توصِّل كل زول
لي زولو والأيام حنون
لا سيل درادر
لا سجون
لا ليل عساكر
لا مجون
لا ويل مساخر
لا دقون ؟؟؟
… …. ….
ركَّة عدالة على فروع
جسد البلد
طفْرةْ غبينة من العيون المتعَبة
ومنفية في الزمن الصعب
منسية فوق آه متَّكِي
شوف القصائد
ضمَّة أبى
أبى ضمّة
يا نادوس أبى
أبى
أبَى
أبى ضُمَّة أبى
أبى ضمَّة ..
إلاّ ..أكَّان تجي
وتجي يا البِذكرِك
تطمئن كل القلوب المرعَبة
والأمرُ يومئذٍ .. لَكِ

[عايدة سيد احمد]

رحم الله هذا الكنار وامد في عمر اخيه الرائع عثمان ليواصل مسيرة فنية مشرقة ومشرفة مسيرة فنية جعل الراحل قاعدتها الشعرية ترتكز على اشعار هرم وقامة مثل حميد وكأنه يعلم انه راحل وستبقى اعماله المنتقاه بحرفية عالية فمن المستحيل ان ينتهي كلام نظمه حميد وردده الرائع يسن له الرحمة بقدر ما اثرى وجدان معجبيه ولكم الود